Հյուսիսային Ավստրալիայի իշխանությունները էվակուացնում են բնակչությանը
300-ից ավել մարդ տեղավորվել է ժամանակավոր կացարաններում: Դելի Ռիվեր գետը դուրս է եկել ափերից և ծածկել Դարվին քաղաքից քիչ հարավ գտնվող փոքրիկ քաղաքը: Բնակչության համար վտանգավորություն է ներկայացնում ոչ միայն ջուրը, այլև նրանում ապրող կոկորդիլոսները:
Ականատեսներից մեկն ասաց, որ տեսել է թե ինչպես է կոկորդիլոսներից մեկը հարձակվում տնային կենդանիների վրա: Ջրհեղեղի պատճառով առաջացած սողանքները դեռ շարունակվում են: Օդերևութաբաններն ասում են, որ տրոպիկական ցիկլոն «Կարլոսը» դեռ շարունակում է ավելի մեծ արագություն հավաքել:
Հարյուրավոր մեռած թռչուններ Լուիզիանա նահանգում, ԱՄՆ
Ձկնորսության և վայրի բնության պահպանման ստորաբաժանումները փորձում են բացահայտել հարյուրավոր թռչունների մահվան պատճառները: Վկաների խոսքերով թռչունները թռչում էին շատ անկանոն: Նրանցից որոշներն ուղղակի ընկնում էին գետնին, մի որոշ մասն էլ հարվածում անցնող մեքենաներին:
Թռչունների դիակների լաբորատոր ուսումնասիրությունների արդյունքները կհրապարակվեն մեկ շաբաթ անց: Այս դեպքը տեղի է ունեցել փետրվարի 11-ին: